عالج الواقع – مترفضوش

احساس رفض الواقع ده سخيف

انك تكون مش عاجبك اللي انت فيه دلوقتي, مش عاجبك المشاعر اللي بتحسها حالا, الافكار اللي بتدور في دماغك, الحاجة اللي بتعملها ..دلوقتي… في اللحظة ديه

ان نفسك(عقلك وروحك) تكون رافضة فعلك وفكرك ومشاعرك !!

فتحاول نفسك تطردك من حالك باي شكل

تقفل ودنك عن كلام اللي حوليك وتخرج تدور على حاجة تشدك في “نيوز فيد” الفايسبوك او رسالة ع الواتساب
تقفل الكتاب والورق – افتح “جايم” ولا “بورن”
تقفل الشغل اللي في ايدك – واقعد قلب في مواقع الاخبار ولا روح اقف مع حد في المطبخ

مش عيب تقفش نفسك وانت مش راضي عن حالها
العيب انك متبقاش عارف انت عايز تعمل ايه دلوقتي

متبقاش مدرك الافكار والمشاعر والافعال اللي ممكن تخلي نفسك راضية عنك في اللحظة ديه

فتبقى بس بتهرب من معلوم مكروه الى مجهول غير متوقع الاثر

الحل

اولا: لازم تراجع نفسك, قبل ما ترفض اللحظة الحالية, انت قاعد بتعمل ايه وليه؟ مدى أهمية اللي بتعمله ومدى جدوى الاستمرار والتركيز فيه, جايز اعادة النظر تروقك, وتحققلك شوية رضاء ولو مؤقت عن اللي بتعمله, باعتبار ضرورة انه يخلص ويتعمل

ثانيا: غالبا بيكون اللي وصلك للحالة ديه, مشكلة خارج الاطار تماما, حاجة حصلت في البيت, لخبطة في علاقة اجتماعية, أزمة مالية, جايز يكون الحل, انك محتاج تحسم التفكير فيها مؤقتا, تقعد شوية كده مع نفسك وتتشاور, وتوصل لنقطة تفاهم مؤقته,هتعمل ايه في المشكلة ديه, وتركن الموضوع شوية لحد ما ترجعله بعدين

ثالث: حاول يبقى عندك مخرج نفسي كويس جاهز, حاجة تعمل بيها “بريك” صح. حاجة ليك شغف فيها, انت عارف كويس انها هتحسن مشاعرك وافكارك وطاقتك وهتخليك تحس بشئ ايجابي, مترحش للخيال, مترحش لحاجة مش متوقعة, مترحش لفعل هيخدرك لحظيا وليه اثر نفسي سلبي بعديها , فرّق ما بين راحة تعملك ريفريش وراحة تخدرك او مجرد تشتيت

تحكم في اوقات تعطلك

2_21_Pastors_Escape_the_SermonSeries_Trap___158995159

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s