عبادة الجديد

الناس يحبون الخلاقين

من يبتكرون شيئا جديدا للعالم من يكسرون حاجز التقليد والمعتاد والتكرار

كل من بدأ من العدم, من يصنع منتج مختلف, أو يؤلف قصة جديدة, من يرتجل افيه مميز

الناس تنجذب الى من يضيفون تفصيل اخر لحياتهم

سيتابعون من تحمل صوت لم يألفوه, او صوره لم يعتادوها, أو تطرح فكرة لم تخطر ببالهم

سيفضل الجديد المشوق عن معتاد يفوقه جودة

اولئك الذين ملّوا من الحال, وكرهوا اللحظة, يحنون الى من يأخذ حواسهم الى اي بعد اخر

هم يسافرون, يشترون تذاكر السينما واسطوانات الاغاني وينتظرون مباراة املا في اللحظة التي ستأخذهم بعيدا عن الواقع الاني

لهذا ستظل كلمات الابداع والابتكار …والفن تسمو في افق الحس الانساني

ولذلك أيضا يصّر معظمهم على ايجاد خالق لهذا العالم , خالق يحقق لمخيلاتهم سقف التخليق, اوجد الكون من عدم وخلق كل انواع الجمال وخلق الاحساس بها , خالق وجّب عليه ان يتسم بكل الصفات الجميلة التي تضعه على راس المحبوبين, المتبعين , ..تضعه في منزلة الاله المطلقة ,

و اتصلت بصورة خالقهم, صورة الجنة, المشهد الابدي الذي يختلف ويرقى كلية عن دنياهم, حيث يطلق عنان الابتكار والتخليق
, حيث ما لا عين رأت ولا أذن سمعت ولا خطر على قلب بشر

———–

مايو 2014 -بروكسل بلجيكا – شارلوت دراورت

طبيبة نيوورلوجي في نفس سني – اشتغلت ,درست وعاشت طول عمرها في بروكسل

بعد ما قعدت احكيلها بكل حماسة عن التغيرات الجذرية والتقلبات اللي عملتها في حياتي وكاريري وافكاري , ورغباتي في السفر والتجربة ومرونتي الرهيبة في قبول اعتقادات و اساليب حياة مختلفة عن اللي انا عليه وخططي المستقبلية الاستثنائية , بعد ما حسيت برضائي الذاتي اني دلقت عليها جركنين مكس حب التغيير

سألتها وانتي ؟ هتعملي ايه في المستقبل؟

– عادي هكمل سنتين في المستشفى ديه وبعدين ممكن اروح مستشفى تانيه اكبر في نصف البلد

= اه وبعدين

– عادي وبعدين ايه ؟

= قصدي مفكرتيش مرة تعيشي بره بروكسل؟

– لا ابدا , انا مبسوطه هنا

= اه جميل, مش ناويه تغيري الكاريير مثلا

-لا معتقدش,  انا شايفه انه مناسبني

=هممم, انا بس اقصد,مثلا تشتغلي في بلد تانيه, او تحضري درجة علمية اعلى

-ممكن, بس مش حاسه اني محتاجه ده دلوقتي

————————————————————————————————-

للحظة حسيت انها شخصية مملة, عديمة الطموح , سطحية القيم ….الخ

اللحظة التانيه, قلبت صباع الاتهام عليه انا ….. وشفت الوجه الاخر للموضوع

شفت اني بحب التغيير عشان حياتي مكنتش عجباني

شفت ان عدم رضائي بذاتي دفعني لتغير ملامحها

عمري ما حسيت اني مهندس شاطر و عشان كده فكرت ادرس اقتصاد

خرجت من مصر عشان مكنتش موجود فيها, مكنتش محسوس, متشاف

انا بعدت وبدلت وغيرت كل الاوضاع وطرق الحياة …اللي مكنتش مبسوط فيها, اللي مكنتش ناجح وراضي بيها

—————————————–

التغيير فعل واسلوب حياة ..ليه بريقه وجاذبيته .. ويأخذ من كلامنا كثير من المدح

الا انه بيحمل بداخله فخ نفسي كبير , فخ يوهمك بان حب التغيير والتخليق هو شئ محمود على الاطلاق

الانسان اللي هيفضل حياته عايش على جناح التغيير ده معش حاجة ومحققش حاجة .. مستمتعش بحياته

اللي بيتغير دون مراقبة عملية التغيير واي الاحوال بيتغير منها واليها ويفهم شكل التغيير وجدوى اسبابه

انك تعيش فترة حابب وراضي بحالك بكل تفاصيله , محافظ على روتين, قابل ومتعايش مع افكارك – ده هو الاصل مش التغيير
————————————————————–

ممكن تشتري مشهد ضحكة عشان تضيع لحظة حزن ,

ممكن تغير كليتك, وتاخد فرصة بداية جديدة

ممكن تعمل ثورة وتشيل نظام , وتحط غيره

ممكن تسافر تهاجر , عشان تعيش مكان وناس جداد

التغيرات ديه ممكن تكون مبنية كلها على اساس غلط… قائمة على دافع انك بتهرب بس من حالك

كل ده سلوك غلط ممكن يتعالج, لما تفهم ان المشكلة مش في لحظة الحزن او كليتك القديمة او رأس النظام او بلدك, المشكلة كانت فيك, المشكلة انت غطيتها بالتغيير, لكن مصصحتهاش, ولحظة التغيير اللي اشترتها ممكن تساعدك على التصحيح …..لكن هتكون بتوهم نفسك بس لو عشت على سطح التغيير هربان من واقعك في المخلوقات المبتكرة

وجايز يكون الضرر مقدور عليه, بخدعة لحظة او كام سنة ثورة

الخيال والتغيير يقلق لما يتحول لسلوك ….. ويخيف لما يتحول لعقيدة و…دين

هم قد صنعوا الرب و الالحاد والثورة و النازية والخلافة والشذوذ…….لانهم لم يرضوا بسابق حالهم وليس بالضرورة لاعتقادهم بنفع تلك المخلوقات

———

احذر من الابداع والتخليق والابتكار ….احذر من التغيير وانت تمارسه …. لا يلهينك لمعان المرحلة …. وتعرف جيدا على اسبابها

مارس التغيير……لكن بحذر

large21

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s