خطيئة الوعي – 2- حين يتعذر أن تعيش كحمار

nb-55038-634697759299963399

انتهينا في البتاع (المقال) السابق الى كيف أن المدنية الحديثة الغاشمة حرمت الانسان من درعه التاريخي ضد أزمة الوعي

وان لم يكن الانسان يعيش في بلد مرفهة  سلبت منه سلامة النفسي بقوانين وحقوق العمالة,

فحتى الشبه مواطن الذي يعيش في بلاد أدنى مازالت تطحنه في سواقي العمل, فلم ترحمه المدنية الحديثة من (العشم)

فلا يمكنه بعد ان فتحت امامه النوافذ المزينة للعالم “الحر المرفه” أن يخلد في سبات الجهالة والغفلة أمنا من شرورها

283183xcitefun-431138-335441043144189-100000348870148-1

الوعي في عالمنا اليوم يتضخم مع كل يوم عطلة جديد يضاف على “اجندة” العام ومع كل قانون حد أدنى للأجور أو أقصى لساعات العمل

الفجوة ما بين الانسان والحمار تتسع باستمرار

والانكى من ذلك هو تصاعد ثقافة مريضة بين الاجيال الحديثة تمجد الفراغ وتزدري العمل والانشغال, وأصبح “افك” وخرافات التحرر من التعليم التقليدي, والوظيفة التقليدية و المسار الحياتي التقليدي هي الموضة الاكثر رواجا وقبولا

هي بضع سنوات فقط تفصلنا عن عالم مخيف سوف يعود سكانه المساكين بعد يوم عمل قصير في الرابعة عصرا ليجالسوا ذاوتهم الفارغة ويبدأون في التعرف على صديقهم الجديد القبيح …. الوعي

rickandmorty-edit

وقتها … وحين سيتعذر عليك أن تعيش حمار, هل هناك حل؟ هل هناك ملجأ أخر لتحدي الوعي؟

الحل بسيط وتلقائي جدا

لو لم يجبروك على أن تعيش كحمار

فعليك أن تستحمر في حياتك

ua4ix

بكره لما مش هيكون مقبول , ولا متاح, أنك تبقى حمار في الشغل

هتضطر تكون حمار في حاجات تانيه

طبعا قائمة الاستحمار اللي ابتدعها الانسان “الغربي” , اللي شال بردعة العمل من على ضهره خلال اخر عشرين سنة, طويلة ومليانه بأفكار بتتراوح ما بين كورسات اليوجا والميديتاشن, للترحال المبالغ فيه, للعودة بالضهر الى الطبيعية, وصولا الى ظهور اليسار المعاصر بصبيانه من الجمعيات والمنظمات وجمهور محبي الخير والنباتيين.

أغلب الأفكار ديه هتدور في خلق معاني جديدة للحياة, اعادة تعريف لما هو طبيعي, لما هو ضروري لما هو مهم

انت كانسان فاضي وموركش شغل, هتضطر تشتغل في حركة سياسية بتطالب بتخفيف ساعات العمل وتحرير العمال وبالمرة تحرير البلاد الأخرى اللي فيها طبقات عاملة كبيرة, فتبقى من ناحية أنشغلت بحاجة ومن ناحية تانيه بدأت تخلي وضعك “الشاذ” أنك فاضي, للأنه يكون الطبيعي عند الناس كلها

وهكذا, بما أنك أتولدت فلقيت حياتك سهلة وامكانياتها تحت ايديك, هتبدأ تنادي للعودة الى الطبيعة والعيش في الغابات وترك المدنية الفارغة, و تبدأ تمشي حافي وتلبس هدوم مقطعه, وبكده هتكون حياتك مشغولة بقى, بتقطيع الخشب, وتوصيل خلايا شمسية لكوخك, وخياطة هدومك العجيبة المهلهلة و السهر عشان تنط بالليل في صفايح زبالة السوبرماركتات الكبيرة تلم بواقي الاكل

mtvpic

التحليل ده مش معناه ان “الانشغالات” ديه حاجات سلبية, مفهوم أن مجهودات متطوعي ال(جرين بيس) مفيدة للكوكب وخرم الاوزون, وده حاجة يشكروا عليها

ولا برده الكلام معناه, أن الناس ديه انشغلوا بكده فقط بدافع الانشغال والفضاء, يعني, قليل من النباتيين اللي هيقولوا والله احنا بمناكلش لحمة عشان بنحب نتعسف في الطبيخ والتدوير على اكلات ونشر الرحمة بالحيوانات, أكيد عندهم دوافع, ثانية, منطقية عن انشغالهم بالكلام ده

لكن الخلاف في التعريف هيظهر, لما الانشغالات ديه, تتسمى “كواليتي اوف لايف” أو تبقى هي النموذج

save_the_planet_kill_yourself

هو ده الانحراف الثاني اللي هينجرف فيه المجتمع تاني بعد ما رمى بردعة حمار الشغل

والانحراف جاي من المبدأ الأغبر اللي بيتفرض ان الحمورية أو الاستحمار شئ سئ وحاجة لازم نتبرأ منها ونقعد نسميها مسميات تانيه

حالة الرفض اللي عند الانسان انه يبقى غرقان في عدمية مطلقة ديه حالة مرضية مزمنة ملهاش علاج

الناس اللي مصره تعيش حياة مليانه بال”بوربوس” مفعومة بالامال والطموحات , الغاية الكدابة اللي دايخين ومدوخين غيرهم حوليها

بالطبع أنا مش ضد المديتاشن والروحانيات المعاصرة, ولا الانفيرنومينتاليزم, ومحبي الانسانية والسلام, الحاجات ديه للأسف بقت السكة الوحيدة لشريحة -الحمد لله- لسه ضيقة نسبيا في العالم, الا ان فيه احتمال مش قليل, أن ده يبقى التيار الاغلب في العالم, أو على الأقل الاكثر شيوعا حتى في عوالمنا الثالثة الجميلة الغير متطورة

لحد ما ده ما يحصل

حنحمد ربنا ونحمد اللي مسلطهم من خلقه علينا عشان يجبرونا ع الدونكي وورك الجميل

بدل ما يسلط علينا نفوسنا المريضة اللي ممكن توكلنا البروكلي وترمينا شهرين بندور على البوكيمون في الجناين

15965302_1175461292568828_7553724530235367822_n

Advertisements

One thought on “خطيئة الوعي – 2- حين يتعذر أن تعيش كحمار

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s