كيلو موز في الجنة

 “هلك القرد الذي رفض أن يبادل موزة اليوم بكيلو موز في الجنة, و بقي العاقل الذي ارتقى بالخيال سلم الكائنات”

Bildergebnis für banana minions gif

الحكاية حصلت من بتاع 70 الف سنة فاتت لما مكناش احنا الفصيلة الوحيدة من الانسان (ال هومو) وعشنا احنا (سابينز /العقلاء) مع عدة فصائل مشابهه , كان اكثرها واقربها هم ال (نياندرتالز)

البروفيسور اليهودي الاسرائيلي المثلي المللحد الفيجان  Yuval Noah Harari

في بداية كتابة الفشيخ “موجز تاريخ البشرية” كان بيحلل ليه أسلافنا من ال”هومو-سابينز” قدروا يحطّوا على اخواتهم من ال”نياندرتال” و رجح نظرية أنهم أفنوهم بالقتل والمجازر (الطبيعي بتاعنا يعني) عن أنه يكون حصل بسبب غلبة تناسل طبيعية في الفصيلة بتاعتنا عنهم وانهم يكونوا انقرضوا كده من نفسهم,

Bildergebnis für homosapien neandertaler

فرغم أن ال” نياندرتالز ” تميزوا بأن بنيتهم الجسمانية كانت أقوى وأنشف من ال”هومو-سابينز” نظرا لقسوة الطبيعية اللي عاشوا فيها في الشرق الاوسط واوروبا, وأن أي صراع متكافئ ما بين فردين من الفصيلتين, الطبيعي أن ال” نياندرتال” كان هينتصر بسهولة , لكن التفوق الجسماني في الحقيقة مش هو اللي حسم صراع البقاء بين الفصيلتين دول في المرحلة البدائية ديه …… ولكن “الخيال”!

 

ال”نياندرتال” كانوا بالفعل عندهم قدرات استيعاب في الوقت اللي عاصروا واحتكوا فيه بال”هومو-سابينز”, لكن قدراتهم ديه لم تتعدى مستوى “الشامبانزي” في عصرنا الحالي, يعني اخرهم كان انهم يعبروا عن/ ويفهموا بالصوت او الاشارات لوجود خطر او اكل, وكان اعقد حاجة ممكن يوصلولها هي كذبة عن خطر او اكل مش موجود, وقفوا على باب الخيال لكن مدخلهوش,  لكن الطفرة الجينية عند ال”هومو-سابينز” في الاستيعاب رفعتهم لقمة شجرة الانتخاب الطبيعي, وبدلت منهجية تطور الكائنات تماما, من انه يكون بيولوجي بحت خلت التطور الثقافي “كالتشر ايفولوشن” بيلعب الدور الاكبر في الانتخاب ومعركة البقاء

4545454

التمثال العاج ده من اقدم الاثار “الفنية” او “الدينية” اللي عثر عليها في التاريخ

التمثال ده دليل على الفرق الجوهري اللي وصله ال “سابينز”

التمثال لا يعبر عن نبات او جماد او حيوان اخر شاهدوه في الحقيقة , وجسدوه في تمثال

ولكن, اللي نحت التمثال ده, هو كائن قدر يشوف شئ غير موجود تماما, حاجة مشفهاش بعينه ولا لمسها بايده

الكائن ده قدر يتخيل

الخيال كان عنوان الطفرة اللي حصلت عند ال”سابينز” وهي درجة التعقيد في الادراك اللي ادتهم مفتاح قيادة الكائنات

ازاي فرق الخيال في معركة البقاء؟

Bildergebnis für imagination

الحقائق اللي عرفناها عن الفصيلتين ان وضعهم الحربي -الجسماني- او العسكري – التسليح- مكنش مختلف, وان كان فيه تفوق فهو بالتأكيد لصالح ال(نياندرتال) اللي عاشوا في بيئة اصعب خلت بنيتهم اقوى و تعايشوا وسط حيوانات أشرس خلت تسليحهم أكفأ

ايه اللي ممكن يخلي الطرف الاضعف ينتصر؟

التنظيم والخدعه

 هي ديه الاجابة المنطقية اللي ممكن تفسر الانتصار الساحق اللي قدر يخلي ال “سابينز” في خلال 40 الف سنة يفنوا على باقي اخواتهم ويفضلوا 40 الف سنة لحد اليوم اسياد العالم الوحيدين

اغلب الحيوانات اللي بنعاصرها النهارده، عندها قدرات جماعية تنظيمية محدودة للغاية، اكبر قبيلة في أفضل المجتمعات الحيوانية تنظيما لن تتعدى ال ١٥٠ فرد، وده كان حال ال نيانرتال، في حين ان الهومو سابين، استخدم خياله وتفكيره المركب، انه يأسس مجتمعات اكثر تعقيدا، فيها وحدات صغيرة من الأسر، و وحدات اكبر من العائلات، وهيكل اجتماعي مركب للقرية والجماعه، الخيال ساعد في خلق مساحة أوسع من العلاقات الاسرية ، الاجتماعية والسياسية اللي مقدرش يتصورها عقل الحيوان الغير عاقل

 

التنظيم كان البداية لتكوين جماعه وقطيع متحد أقوى، لكن الخيال قدر فوق ده يفتح مساحة للتخصص، مبنية على منظومة تجارة اعقد من مباديء التفاوض البسيطة، مبقتش تقدر بس  تستبدل تفاحه بموزة،  لكن تقدر تستبدلها بقطعة سلاح او درع، تركيبة معقدة أتبنت على مبدأ ثقة، ارتكز على خيال ، خيال أقنع فرد من القبيلة انه لو بطل يجمع فاكهة وفرغ وقته لتصنيع السلاح هيجي أفراد تانيين من القبيلة هياخدوا أسلحته ويبادلوها بالفاكهة اللي هم تخصصوا في جمعها

الخيال هو الارضيّة اللي وقف عليها قادة جيش الهوموسابينز ليلة هجومهم على معسكر قبيلة النيانرتال، لما قعدوا يرسموا خريطة المعسكر، وأماكن الهجوم وسيناريوهاته المحتمله

الخيال وحده هو اللي قدر يقنع جندي ال هوموسابينز الضعيف انه يهجم على نظيره الأقوى من النيانرتال ويتخيل احد الحسنيين بعد المعركة

في حين ان عمرك ما هتقدر تقنع قرد عادي انه يديك الموزة اللي في أيده بوعد انك تديله عشرة بعدين

قدر الانسان انه يقنع الجندي  بدل ما يقتنع بالموزة اللي هتسد جوعه النهارده، انه يدخل الحرب ويقاتل بشجاعة و لاما هايعيش يتمتع بالموز اللي هيسيبه أعداءه، او في اسوء الأحوال هيتقتل ويروح جنة الموتى حيث ينتظره موز لا نهائي لا رأته عين ولا خطر على بال أي قرد

الخيال كان النقطة الفاصلة بين وجود الانسان و فناءه

الخيال ساد به العالم ..بالخيال خلق الفن والجمال ومتعة النفس والروح, وبالخيال خلق الرعب والوحوش والشياطين

 الخيال كان مدخله للارتقاء والسمووالكرامه خارج وفوق مملكة الحيوان

بالخيال جعل من نفسه الاله والخليفة, المختار و الرسول, ابن الاله و روحه
ادخل نفسه الجنة الخالدة وادخل خصومه الجحيم الخالدة, قضى  للعالم كله بفناءه وتحويله لتراب وقضى لنفسه بالنعيم الانهائي

الخيال باع بيه انهار العسل في حياة جايه و بكام كيلو موز اشترى ارواح غيره

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s